Zangak Paseo Berrian

(Iturria: Donegaztian bloga )

Paseo Berria toki aproposa da kostaldera hurbiltzen diren itsas hegaztiak behatzeko. Hauen artean zangak (Morus bassanus) ditugu, munduko hegazti ederrenetakoak nire ustez. Gehienetan urrutitik ikustearekin konformatu behar izaten dugun arren, noizbehinka paseoko harresitik metro gutxira gerturatzen dira. Aukera ezinhobeak izaten dira beren edertasun paregabeaz gozatzeko.

 

Zangak (Morus bassanus) Paseo Berritik

Gaur arratsaldean etengabe pasatzen ari ziren zangak mendebaldera. Gutxi batzuk paseotik oso hurbil pasa dira. Arrantza omen zegoen, txenada hankabeltz ugari ere bazebiltzalako. Ipar-haizea dela, arrantza dela, lehorrean geundenok aukera izan dugu itsas hegazti hauen edertasunaz gozatzeko.

__________________________

Lizentzia

Jatorrizko blogeko edukia Creative Commons Aitortu-PartekatuBerdin 3.0 Unported baimen baten mende dago.